Puigcercosek "ezkerreko gobernua" eratzeko hitzarmena "egindakotzat" jo du, baina, dena den, gogorarazi du gaur arratsaldean eman behar diola azken onespena ERCko zuzendaritzak aurrera joan dadin.
ERCko idazkari nagusiordearen arabera, beren alderdiak "modernitatea eta katalanismoa" emango dizkio, eta Katalunian ezkerreko gobernu bat izatea "oso garrantzitsua" dela nabarmendu du.
Josep Lluis Carod-Rovirak Gobernu horren baitan ardura handia izango duela adierazi du; haren esku izango dela Gobernua ordezkatzea, koordinatzea, eta baita gidatzea ere.
Kataluniako Gobernuaren osaketa
ERCko idazkari nagusiordeak PSCrekin akordioa eginda dagoela esan du
Catalunya Radio irrati katean egin dioten elkarrizketan, PSCren, ERCren eta ICVren arteko gobernu akordioa eginda dagoela esan du Joan Puigcercos ERCko idazkari nagusiordeak. Hala, Kataluniako Gobernuko hurrengo presidentea PSCko buruzagi Pascual Maragall izango dela ziurtatu du, eta ERCko idazkari nagusi Josep Lluis Carod-Rovirak, berriz, 'conseller en cap' kargua izango duela. Lehentasuna Kataluniarentzako estatutu berri bat, eta, era berean, finantziazio eredu berri bat erdiestea izango dutela nabarmendu du.
Iruzkinak
Ez dago iruzkinik
Ordenatu
