Ernai gazte antolakundeak Abadiño (Bizkaia) aukeratu du 2026ko Gazte Topagunearen kokaleku gisa. Apirilaren 2tik 5era egingo du ekitaldi nazional hori Ernaik. Abadiñon bertan egindako grafiti baten bitartez aurkeztu dute udaberri guztietan egiten duten ekitaldi jendetsu hori. Aurreko urtean Lezon (Gipuzkoa) egin zuten.
«Ezker Abertzaleko gazte antolakundeak euskal gazteria independentistari egiten dion eskaintza da Gazte Topagunea», azaldu du Ernaik. Egun horietan «saretze, politizazio eta aisialdi eskaintza zabala» egongo dela esan du. Izan ere, aurreikusi dute gazteentzako antolatutako egitasmo horri esker Abadiñoko kaleak «gazte independentistaz beteko» direla hiru egunez.
Bonuak salgai daude jadanik Hego Euskal Herriko hiriburuetan eta Durangaldean, baita online ere. Hurrengo hilabeteetan, Gazte Topagunearen inguruko xehetasun gehiago jakinaraziko dituzte.
