Usurbilgo Paktuko alderdiek, sindikatuek eta talde-ekologistek Zubietako erraustegiaren aurkako oposizioa "indargabetzen" saiatzea egotzi diote Gipuzkoako Diputazioari. Hernani eta Oiartzunen atez ateko bilketen "arrakasta oztoparatzea" ere salatu dute. Esan dute gipuzkoarrak ez daudela erraustegiaren alde eta diputazioak "zakarrontzira bota" dituela jaso dituzten 35.000 ukatze-sinadurak.
Xabier Mikel Errekondo Usurbilgo alkateak esan du Diputazioak ez duela onartzen gipuzkoarren borondatea, "herritarrak bide batetik doaz eta instituzioak beste aldetik". Azpimarratu du Diputazioak "atzerabueltarik ez dagoela sinestarazi" nahi diola herritarrei, baina "gure airea zabortegi ez bihurtzeko denbora asko" dagoela.
Aurreko ostegunean Eusko Jaurlaritzak ingurumen baimena eman zion Zubietako erraustegiari, eta laister hasiko dira eraikitzeko lanekin.
azpiegiturak
Erraustegiaren aurkako oposizioa isiltzea egotzi diote Gipuzkoako Diputazioari
Iruzkinak
Ez dago iruzkinik
Ordenatu
