ERRAZKINEK HARTU DU KARGUA

Gipuzkoako Ingurumen diputatu kargua hartu zuen atzo Iñaki Errazkinek. EAJk, PSE-EEk eta PPk hilaren 6an kendu zuten kargutik, zentsura mozio bidez, aurreko diputatua: Juan Carlos Alduntzin. Hondakinen auziagatik kargugabetu zuten. Alduntzinen lana goraipatu zuen Errazkinek atzo, eta bide beretik jarraituko duela berretsi zuen. Lan egiteko gogotsu dago: «Ahalik eta parte hartze eta adostasun handienarekin, gure programarekin jarraituko dugu».