Kataluniako Estatutua

Erreferenduma egin eta gero hauteskundeak aurreratzeko eskatu du Carod-Rovirak

Ekainaren 18ko Kataluniako Estatutu berriari buruzko erreferendumak agertoki aldaketa eragingo du Katalunian Josep Lluis Carod-Rovira ERC Esquerra Republicana de Catalunyako presidentearen hitzetan. Horregatik, ERCko buruzagiaren ustez erreferendumaren ostean hauteskundeak aurreratzea beharrezkoa izango da herritarrek zein gobernu nahi duten erabaki dezaten.

2006ko maiatzaren 9a
13:59
Entzun
TV3 Kataluniako telebista publikoan elkarrizketa egin diote Carod-Rovirari. Adierazi du, ERC indartu egin dela hauteskunde prozesu berri bati ekiteko eta politikaren ikuspegia ERC berriaren esku egongo dela.

Generalitateko presidente Pasqual Maragallek du azken hitza. Hark iragarri zuen atzo ERC hiruko gobernuan egoteak Estatutua onartzea nolabait trabatzen badu ┬źneurriak┬╗ hartuko dituela.

CiUko buru Artur Masek, berriz, hirukoaren jarraipena eta erreferenduma nahastea estatutuarentzat kaltegarria izan zitekeela esan zion Maragalli eta, beraz, horrelakorik ez egiteko. Hauteskundeetako egutegia argitzeko ere eskatu zion Generalitareko presidenteari.

Era berean, CiUko buruaren ustez Generalitateak batuta eskatu behar du baiezkoa estatutuaren erreferendumean. Helburu hori lortzeko zer egingo duen pentsa dezala esan dio Masek Maragalli.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.