EITBk ikerketako iturriak aipatuz agertu duenez,Parraren hiltzailea atzo Donostiako Miramon auzoan hilotz aurkitu zuten M.I.A. dela frogatzen duen bideo bat agertu da; zehazki, M.I.A. zaindaria Parra lankideari tiro egiten agertuko litzateke, igandeko goizeko zazpietan. Sutea askoz ere beranduago hasi zen, gaueko hamaikak aldera. Beste irudi batean M.I.A. paper batzuei su ematen agertuko litzateke iturri horien arabera.
Era beran, EITB taldeko komunikabideek ikerketako iturriak aipatuz zabaldu dute M.I.A.ren poltsikoetako batean eskuizkribu bat agertu dela, eta idatzi horretan Parraren hilketaren eta sutea sortzearen aitortza egiten dela M.I.A.k.
Donostiako sutea
Errenterian egin dituzte Errotaburuko sutekoan hil zuten zaintzailearen hiletak
Florencia Parra igandean Gipuzkoako Foru Ogasunaren egoitzan hil zuten zaindariaren hiletak egin dituzte Errenterian (Gipuzkoa). Senide eta lagunez gain, Joxe Juan Gonzalez Txabarri Gipuzkoako Ahaldun nagusia, Miguel Buen Errenteriko alkatea eta Damaso Alonso UGT sindikatuaren EAEko idazkari nagusia —sindikatuko kide zen hildakoa— izan dira elizkizunean. Bestalde, EITBk zabaldu dutenez, badira atzo Miramonen hilotz topatutako M.I.A Parrari tiro egiteko unean hartutako irudi grabazioak.
Iruzkinak
Ez dago iruzkinik
Ordenatu
