Zubietako plazan bildu dira. Han zeuden ostiralaz geroztik Iraultza Txikien Akanpadako kideak, eta, hain zuzen ere, haren amaiera gisa zuten deitua manifestazioa. Aurrez, hala ere, omenaldia egin diete erraustegiaren lanak geldiarazi zituztenei.
Ondoren, zuriz jantzita abiatu dira manifestariak mendian gora. Asko izan dira herritarrekin bat egin dutenak. "Errausketarik ez" oihuak izan dira nagusi bidean.
Bidea ez da erraza, baina herritarrak mendira gora doaz garrasi eginez, erraustegira iristeko asmoz #IraultzaTxikienAkanpada#ZubietaMartxa@irutxulo@lurraldeaskea@GipuzkoaZutikpic.twitter.com/VEYxaDwnfv
— Iñaki Agirre (@ikiagirre) 2018(e)ko irailaren 23(a)
Erraustegia eraikitzen ari diren eremura heldu direnerako, ordea, Ertzaintza zain zeukaten. Segurtasun Indarrek ez diete utzi manifestariei lanak egiten ari diren eremura sartzen, eta, haiek segitzeko ahalegina egin dutenean, indarrez egin diete aurre. Dena grabatzen ari zen kazetari bati kamera kentzen ere ahalegindu dira.
Indarkeriaz ekin diote taldeari, baita kazetariei ere. Zenbait zauritu daude borra kolpeengatik eta erorikoengatik. #ZubietaMartxa#IraultzaTxikienAkanpada@irutxulo@lurraldeaskea@GipuzkoaZutikpic.twitter.com/gmoFNUx1Tu
— Iñaki Agirre (@ikiagirre) 2018(e)ko irailaren 23(a)
