Eskola jangeletako langileek greba dute gaur

DONOSTIA. Enpresa pribatuen esku diharduten EAEko eskola publikoetako jangeletako langileek greba dute gaur. Soldatak igotzeko eta lan baldintzak hobetzeko eskatzen dute, eta Eusko Jaurlaritzak patronalarekin dituzten negoziazioetan parte hartzeko. Greba egunari begira Eusko Jaurlaritzak jarritako gutxieneko zerbitzuak gehiegizkoak direla salatu dute. Manifestazioak ere egingo dituzte, Bilbon eta Donostian.