Hainbat herritarrek "eskubide zibil eta politikoak errespetatu eta bermatzeko" ekitaldia egingo dute hilaren 30ean Bilboko Euskalduna jauregian, 18:00etatik aurrera. Andoni Mendizabal (Lokarri), Josu Murgia (Aralar), Jon Aritz Bengoetxea (EA), Unzalu Salterain (EHNE), Modesto Garcia (Hiru) eta Itziar Fernandezek (Emakundeko kidea), besteak beste, ekimenarekin bat egin dute.
Eskubide zibil eta politikoen aldeko adierazpena izango du lelotzat, Yolanda Jubetu Euskal Herriko Unibertsitateko irakasleak eta Maribi Ugarteburu Udalbiltzako auzipetuak ekimenaren aurkezpenean adierazi dutenez.
"Euskal Herriak jasaten duen askatasunen murrizketa eta eskubide politikoen ukapena" salatu dute aurkezpenean eta horren aurrean herritarrei erantzuteko deia egin diete.
"Euskal gizartearen, Espainiakoaren, Frantziakoaren, Europakoaren eta munduaren aurrean adierazpen garrantzitsua egin nahi dugu, demokrazia berehala berrezartzeko eskatzeko eta eskubide zibil eta politikoen errespetua galdegiteko".
politika
"Eskubide zibil eta politikoak errespetatu eta bermatzeko" eskatuko dute hilaren 30ean Bilbon
Euskalduna jauregian izango da herritar talde batek antolatutako ekitaldia, eta "Euskal Herriak jasaten duen askatasunen murrizketa eta eskubide politikoen ukapena" salatuko dute.
Iruzkinak
Ez dago iruzkinik
Ordenatu
