Espainiak irailean jarriko du helegitea Estrasburgon

MADRIL. Espainiak iragarri du irailean aurkeztuko duela helegitea Estrasburgoko Giza Eskubideen Auzitegian, horrek Parot doktrinaren inguruan kaleratutako ebazpena dela eta. Justizia Ministerioak jakinarazi duenez, ebazpenak Espainiako auzitegien eskumenak urratu izana izango da argudio nagusia. Uztailaren 10ean argitaratutako ebazpenean, Estrasburgoko Auzitegia 197/2006 epaiaren aurka azaldu zen, eta, zehazki, Ines del Rio presoa aske uzteko eskatu zion Espainiari.