Bart gauean Espainiako bandera kendu dute Gernikako Batzar Etxetik (Bizkaia). Gainera, pintaketak ere agertu dira: 'Gurea ikurrina'. Oraindik ez dute argitu ekintza horiek nork egin dituen.
Ekiintza salatu dute hala Bizkaiko Batzar Nagusiek, nola Bizkaiko Foru Aldundiak. Batzar Nagusiek «gogor» gaitzetsi dute gertatutakoa. Bizkaiko Foru Aldundiak ere «erabateko gaitzespena» adierazi du: «Ekintza hau onartezina da, Bizkaiko gizartearen ordezkaritza legitimoaren aurkako eraso bat da, baita bizikidetzaren errespetuarene ta aniztasunaren aurkakoa ere».
Bizkaiko Batzar Nagusiek gogor gaitzesten ditue gaur goizaldean Gernikako Batzar Etxean izandako ekintza bandalikoak. Egoitza ofizialera sartu dira, banderak lapurtu ditue eta “GUREA IKURRIÑA” inoan pintadea margozutu dabe sarrerako eskaileretan. pic.twitter.com/qXzXgOtY3q
— Bizkaiko Batzar Nagusiak/Juntas Generales Bizkaia (@BNBizkaia) December 6, 2025
Ernaik kendutako ikurrak, Durangon
Ernaik asteon hainbat ekintza egin ditu, Espainiako ikurrak kentzeko. Ernaik eraitsitako ikur horiek guztiak Durangon jarri dituzte gaur. «Santa Ana plazan agertu dira Tuterako Osborneko zezenaren adarrak, Igeldon militar karlista baten omenez zegoen gurutzea, Gasteizko alkate frankistaren izena duen kalearen plaka eta Euskal Herriko zenbait eraikin publikotako espainiar banderak, guztiak aste honetan kendu edo eraitsiak», azaldu dute. Horrela, Euskal Herriak independentzia behar duela aldarrikatu dute: «Espainiar eta frantziar estatuekin haustura eta Euskal Herriaren independentzia beharrezkoak dira, Euskal Herriaren etorkizuna bermatzeko eta zapalkuntzarik gabeko herria eraikitzeko».
Aste honetan, Euskal Herriko kaleetako ikur arrotzak eraitsi ditugu. Ikurrok Durangora eraman ditugu, eta pinturaz busti, berriz ere jarri ez daitezen.
— Ernai (@ernaigazte) December 6, 2025
Gazte independentsito intsumisioz erantzuten diogu konstituzio egunari. pic.twitter.com/ITXCx9xNvW
