Candido Conde-Pumpido Espainiako fiskalburuak esan du fiskaltzak Sorturen erregistroaren aurka egingo duela datorren astean. Haren hitzetan, alderdiak soilik itxuraz betetzen du legea, eta haren helburua ETA sostengatzea dela gaineratu du. Fiskaltzak datorren astean eskatuko du Sortu ez legeztatzeko.
Conde-Pumpidoren hitzetan, Sortu ez da alderdi bat: "ETAren presentzia mantentzeko azken ahalegin bat da, inolaz ere iritsiko ez diren etorkizun politiko horretan mantentzeko ahalegina". Conde-Pumpidok esan duenez, ANVrekin jokatu zuten bezala jokatuko dute orain ere, eta legeak duen hutsunea betetzeko "argudio juridiko konplexuak" aurkeztuko dituzte datorren astean.
