Espainiako Gobernuari urratsak eskatu dizkio EAk

Juanjo Agirrezabala EAko legebiltzarkidearen ustez, ETAren agiriaren ondoren Espainiako Gobernuak espetxe politika aldatzeko eta ezker abertzalea legeztatzeko bidean urratsak egin beharko lituzke.

ETAk iragarritako su-eten iraunkor, orokor eta egiaztagarriak euskal gizartea «esperantza eskenatoki batean» jarri duela uste du EAkoak. Izan ere, seguru dago ETAk, «oraingoan bai», indarkeria behin betiko amaitzeko borondatea agertu duela.

Beraz, Espainiako Gobernuak Bruselako Adierazpenean eta Gernikako Akordioan jasotako eskaerei erantzun behar liekeela deritzo. «Mendekuan oinarritutako espetxe politika» bertan behera utzieta ezker abertzalearen legeztatzea erraztu behar lukeela esan du Onda Vasca irratian.