Atxiloketak

Espainiako Poliziak bi lagun atxilotu ditu Valentzian, ETAko kideak direlakoan

Espainiako Poliziak bi lagun atxilotu ditu gaur goizean Valentzian (Herrialde Katalanak), ETAko kideak direla egotzita. Poliziak agertu duenez, Mikel Orbegozo eta Sara Majarenas dira atxilotuak, biak donostiarrak. Iturri horien arabera, goizeko zortzi eta erdietan gertatu da lehen atxiloketa: kalean, Valentziako udaletxetik ehun bat metrora, harrapatu dute Orbegozo jazarraldi txiki baten ostean. Majarenas, berriz, ostatu batean atxilotu dute. Espainiako Barne Ministerioak eta Fiskaltza Nagusiak berehala atentatu larriak egiteko gertu egotea leporatu die atxilotu biei.

2005eko otsailaren 17a

19:13

Entzun 00:00:00 00:00:00

Hain justu, Espainiako Poliziaren eta Barne Ministerioaren arabera, hainbat arma aurkitu dituzte Orbegozo eta Majarenasen ostatu zen Tartessos Hostalean; besteak beste, bi pistola lehergailuaketa detonagailuak aipatu dituzte iturri horiek.

Arratsaldeko seiak eta laurden aldera, hostalera eraman dituzte biak, gelaren miaketarekin jarraitzeko. Igandea arte inkomunikatuta egongo direla jakinarazi du Barne Ministerioak.

Hain zuzen ere, Ministerio horren arabera, ETAko kide liberatuak dira biak, eta Ipar Euskal Herritik Valentziara iritsi berriak ziren.

Poliziaren arabera, Orbegozok 36 urte ditu eta 24 Majarenasek. Askatasunak ez du baieztatu atxilotuak horiek direnik.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak