'Egin auzia'

Espainiako Poliziak 'Egin'-en Hernaniko egoitza arakatu du

'Gara.net' agerkari digitalak azaldu duenez, Espainiako Polizia 'Egin' egunkariaren Hernaniko (Gipuzkoa) egoitzara sartu da, eta zortxi kaxa eraman dituzte. Herenegun eta atzo Iruñekoa eta Gasteizkoa miatu zituzten. 1998ko uztailaren 15ean itxi zuten 'Egin', Espainiako Auzitegi Nazionalaren aginduz, eta kazetaren defentsaz arduratzen dien abokatuei inork ez die jakinarazi ez miaketak egingo zituztenik, ez zergatik ari diren egiten.

2004ko abenduaren 2a

16:38

Entzun 00:00:00 00:00:00

Gara.net -ek jaso duenez, ertzainek babestuta sartu dira Espainiako Poliziak Egin-en egoitza nagusira, hau da, Hernanikora. Halaber, eraikinaren kanpoaldea zaintzen ertzainak aritu direla zehaztu du.

Herenegun Egin -en Iruñeko eta Gasteizko bulegoak miatu zituen Polizia berak, eta atzo, berriro, Gasteizkoa.Egoitza horiek guztiek itxita daude 1998ko uztailaren 15etik.

'Egin auziko' abokatuei inork ez die jakinarazi egoitzak arakatuko zituztenik eta zergatik hartu duten neurri hori.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak