42 urte ditu Antonio Gutierrez ustezko hiltzaileak, eta Herrizaingo Sailak aditzera eman duenez, labana batekin eraso zien amari eta arrebari eztabaida baten ondoren.
Eztabaida gogorrarekin eta bikitmen garraisiekin larrituta bizilagunak izan ziren igande goizaldean Ertzaintzari deitu ziotenak. Ertzainak iritsi zirenerako emakume biak oso larri zeuden: amak zauri handiak zituen lepoan eta bularrean, eta, arrebak, berriz, lepoa ebakita zuen. Hain justu, etxera joan ziren medikuek ezin izan zuten ezer egin arrebaren bizia salbatzeko.
Ama, berriz, Gurutzetako erietxera eraman zuten, oso larri, eta han jarraitzen du hil edo biziko egoeran.
Hilketa
Espetxean sartu dute ustez arrebari eta amari eraso zien gizona
Igande goizaldean Barakaldon (Bizkaia) ustez arreba aiztoarekin hil eta ama oso larri zauritu zuen gizonezkoa Basauriko espetxean sartu dute, Ertzaintzak jakinarazi duenez. Atzo arratsean deklaratu zuen Barakaldoko Zaintzako 1. Epaitegian, eta kartzelan sartzeko agindu zuen epaileak. Amak Gurutzetako erietxean jarraitzen du, hil edo biziko egoeran.
Iruzkinak
Ez dago iruzkinik
Ordenatu
