Estatu indarkeriaren biktimen kasuak ikertzeko Ebaluazio Batzordea lehenengoz bildu da gaur, Gasteizen. Bileran, aurtengo lan egutegia zehaztu dute.
Oraingoz, hogei bat laguntza eskaera dauzkate baina, 1960 eta 1978 urte bitartean arrazoi politikoak direla medio bortizkeria jasan duten pertsona guztiek eska diezaiokete laguntza Batzordeari. Horretarako epea 2013ko abendua arte zabalik dago.
Batzordearen xedeak eskaerak ikertu, biktima izaera aitortu eta bakoitzari dagokion kalte ordaina zehaztea dira.
Batzordea Eusko Jaurlaritzaren Giza Eskubideen Zuzendaritzapean dago. Ines Ibanez de Maeztu izango da Ebaluazio Batzordeko zuzendaria. Poliziaren gehiegikeriak ikertzeaz arduratuko diren gainontzekoak honako hauek izango dira: Manuela Carmena epaileohia eta gai horietan Jaurlaritzako aholkularia, Jose Antonio Perez Forondako Valentin Gizarte Historia Institutuko bokala, Txema Urkijo Terrorismo Biktimen Arreta Bulegoko aholkularia, Alvaro Gil-Robles Europako Giza Eskubideen Batzordeko kide izandakoa, Carlos Martin Beristain giza eskubideen urraketan aditua eta Monika Hernando Giza Eskubide eta Bake Hezkuntzaren Elkarteen Foroko kide.
