Erasoa

ETAk eztandarazitako lehergailu txiki baten aztarnak topatu dituzte Huescan

ETAren izenean ari zen norbaiten deiak jaso zituzten atzo arratsaldean Gipuzkoako DYAn eta =l Gara == http://www.gara.net/=l egunkarian, hilaren 5ean Sos del Rey Catolicon (Aragoi, Espainia) ez ezik, Huescako (Aragoi, Espainia) bi herri txikiren artean ere lehergailu bat jarri zutela oharraraziz. Guardia Zibilak gaur goizean topatu ditu lehergailu horren aztarnak: jada eztanda egin zuen, eta oso kalte txikiak eragin ditu argindar transformadore baten alboan.

2006ko urtarrilaren 7a

14:59

Entzun 00:00:00 00:00:00

ETAren izenean deitu zuen pertsonak agertu bezala, Huescako Borau eta Aratores herrien artean aurkitu dituzte lehergailuaren aztarnak, argindar transformadore baten ondoan, errepidetik 30 bat metrora.

Atzo arratsaldean deiak jaso ostean hasi zituen bilaketa lanak Guardia Zibilak: TEDAX artezilarien taldeko Nafarroako eta Zaragozako unitateek Mendi Zerbitzuetako kideek. Azkenean, gaur goizean, zortzi eta erdiak aldera, aurkitu dituzte leherketaren aztarnak.

Espainiako Gobernuaren Huescako ordezkaritzaren arabera, "oso-oso txikia" zen ETAk jarritako lehergailua, eta, ondorioz, eragin dituen kalteak ere hein berekoak dira. Argindar transformadore baten ondoan eztandarazi arren, argidar hornikuntzari ez diola eragin nabarmendu dute iturri horiek.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak