ELA eta LABen iduriko, autodeterminazio prozesua bultzatzeko eskubide horrekin engaiatuta dauden indar guztien babesa behar da, eta ETAk eman ditzakeen "urrats" horiek lagungarri lirateke elkarlan horretarako.
Abenduaren 16anEspainiako hauteskundeetara autodeterminazioaren aldeko indarrek kandidatura bateratua aurkezteko proposamena egin zuen ezker abertzaleak Bergaran (Gipuzkoan). Proposamen horren inguruan, sindikatu biek jarrera diferenteak dituztela agertu dute ELAk eta LABek, baina, finean, autodeterminazioarekin engaiatuta daudenen elkarlana bultzatzen duen ekimena dela diote. Halaber, elkarlan horren bila lanean segitu behar dela azpimarratu dute.
ETA-ren agiria
ETAk iradokitako urratsek autodeterminazioaren aldekoen elkarlana "erraztuko" luketela uste dute ELAk eta LABek
ETAk atzo gauean zabaldu zuen prentsa oharrean "iradokitzen" duenak, autodeterminazioaren aldeko indarren elkarlana "erraztuko" lukeela uste dute ELA eta LAB sindikatuek. Funtsean, Espainiako hauteskundeetarako autodeterminazioaren aldeko indar guztien artean hautagaitza bateratu bat osatzearen alde agertu da ETA, eta hori gauza dadin, "urrats guztiak emateko prest" dagoela agertu du. ELAk eta LABek prentsa agiri baten bidez azaldu dutenez, ETAk emango lituzkeen urrats horiek lagungarri lirateke elkarlanerako.
Iruzkinak
Ez dago iruzkinik
Ordenatu
