ETAren armagabetzea gauzatu eta urte betera iragarriko du talde armatuak bere behin betiko desmobilizazioa. Zeheazki, maiatzeko lehen asteburuan. Hala iragarri du EITBk. Informazio horren arabera, ETAren jakinarazpenaren aurretik, ekitaldi bat izango da Ipar Euskal Herrian, eta bertan parte hartuko dute hainbat nazioarteko eragilek, eta ordezkari politiko eta sozialek.
Ekitaldi horren inguruko xehetasunak astelehenean argituko dituzte Nazioarteko Harreman Taldeko Brian Currinek eta Bake Bidea-ko eta Foro Sozialeko ordezkariek, hedabideen aurrean egingo duten agerraldian.
