Etorkinen inguruko foroa antolatu dute Baionan (Lapurdi), Etorkinekin, Atherbea, eta Bizi elkarteek. Bi egunez iraganen da foroa hiriko arteen zentroan, eta teoriak zein praktikak elkartzea izango dute helburu.
Kontestu berezian dator, Frantziako gobernuak migraziorako lege proiektu berri bat onartu nahi duelako. Egoera kriminalizatzaile, eta dramatizatzailea salatu ditu Jean Daniel Elixiri Atherbeako zuzendariak. Oroitarazi du: "gizakia badenetik badaude imigrazio fenomenoak lur hontan, eta hoietako haundiena Amerikar kontinentearen kolonizazioa izan da; Europearrona".
Amaia Fontang Etorkinekin kolektiboko kideak azaldu du Greziako imigrazio bidea itxia dela jada, Italiako geroz eta zailagoa dela, eta beraz Espainia izaten ari dela Europara iristeko bide berria: "geroz eta etorkin gehiago ikusten dira, eta ikusiko ditugu Euskal Herrian beraz, hego Saharatik etorriak batez ere".
Egitaraua kontsulta daiteke Iparraldeko Hitzaren webgunean.
