PSE-EEren biltzarra

"Etorkizunaz erabakitzeko eskubidea" babestuko dute Elorzak, Zabaletak eta Itsasok PSE-EEren V. Biltzarrean

PSE-EEko kide Odon Elorzak azaldu duenez bere alderdiak hilaren 29an eta 30ean Bilbon egingo duen V. Biltzarrean euskaldunen "etorkizuna erabakitzeko eskubidea" defendatuko duen Ponentzia Politikoa aurkeztuko du. Ponentzian Gemma Zabaletak eta Denis Itxasok ere parte hartzen dute, eta Elorzak dionez "PSEren sektore ezkertiar baskista baten aportazioak" jasotzen dituzte. Donostiako alkateak azaldu duenez, beraien iritzian "irtenbidea ez da ez 'Ibarretxeren plana' eta ezta Gernikako Estatutua ere; baizik eta adostasunetan oinarritutako Estatutu proiektu berri bat".

2005eko urriaren 11

15:14

Entzun 00:00:00 00:00:00

Ponentzian proiektu politiko guztiek "defendituak izateko duten eskubidea" errespetatu behar dela esaten dela azaldu du Elorzak. Defendatzeaz gain burutu ere egin daitezkeela biltzen du, "indarrean dagoen legea betez, prozedura garbien bitartez, eta babesteko gehiengo nahikoarekin".

Bestalde ponentzian biltzen denez "etorkizuna erabakitzeko eskubidea demokratikoki burutu beharko litzateke, indarkeriazko presiorik gabe, legea, akordioa, kontsentsua eta pluralismoa errespetatuz".

Ponentzia hori "Euskadi etorkizunean orain denaren oso desberdin" irudikatzen dutenek osatu dutela dio, "terrorismo eta indarkeria egoerarekin amaitzeko itxaropenarekin, eta EAJren hegemonia bukatzeko asmoekin".

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak