Atzo, Baltasar Garzon Espainiako epaileari, hitzaldi bat ematen ari zela, euskal presoen eskubideen aldeko oihuak egin zizkioten hainbat pertsonak.
Uruguain zen Garzon, unibertsitate batean, hango diktadura militarraren ondorengo justiziaren inguruan hitz egiten. Hark bere jardun judizialean euskal herritar ugarirekiko izandako jarrera salatu zuten, ordea, entzule batzuek.
La República Uruguaiko egunkarian elkarrizketatu zuten ondoren, baita protestaz galdetu ere; protestek mindu ote zuten galdetuta, Garzonek erantzun du: "Ez, inola ere ez. Herrialde libre batean gaude, eta norberak nahi bezala egin dezake protesta. Desberdintasuna da argudioekin hitz egitea gustatzen zaidala niri, ez oihuekin".
