EUSKAL HERRIAN, PARISERA BIDEAN

Baionan dira, atzodanik, 2009ko ekainean Ozeano Atlantikoan istripua izan zuen hegazkinaren hondakinak. Rio de Janeiro eta Paris arteko hegaldia egiten ari zen ezbeharra izan zuenean. Azken hilabeteetan, Ile de Sein itsasontzia hondakinen eta istripuan hildako pertsonen gorpuen bila aritu da. Hondakinekin hiru kontainer bete dituzte, eta beste bat aurkitutako 104 gorpuekin. Gorpuak Parisera eramango dituzte, autopsia egin eta identifika ditzaten.