Gaur goizean gertatu da istripua, 09:50ean. Maruri-Jatabeko (Bizkaia) gizon bat autoan zihoan Errioxatik (Espainia) Bilborantz, AP-68 autobidean. San Asensio herriaren parean, bihurgune batean, haren autoa errepidetik atera da. Gizona hil egin da kolpearen ondorioz. Bakarrik zihoan.
Anbulantziak, suhiltzaileak eta Espainiako Guardia Zibila joan dira istripua gertatu den lekura. Gizona autoan harrapatuta zegoen, eta suhiltzaileek atera dute.
