Euskal Herria

Euskal Herriko prozesuan "itxaropen handia" duela dio Adamsek

Sinn Feineko buruzagi Gerry Adamsek "itxaropen handia du Euskal Herriko bake prozesuan. Hala esan du Bruselan, Europako Legebiltzarra bisitatu ondoren kazetarientzat egin duen agerraldian. Elkarrizketa erabiliz "prozesu egoki bat" abiatuko den esperantza duela azaldu du. Elkarrizketa "behar-beharrezkoa" dela esan du, eta bere iritzian horretan "ardura handia dute gobernuek". Bakea lortu nahi dutenak "bide onetik" doazela azaldu du.

2005eko urriaren 5a

17:42

Entzun 00:00:00 00:00:00

Kazetariek galdetu diote ea bere iritzian ETAk IRAren bide bera jarraitu behar al duen. Adamsek esan du berari ez dagokiola "borrokan ari direnek jarraitu beharrek pausoak zehaztea".

Euskal Herrian izan zela gogorarazi du, eta jende askorekin hitz egin duela, eta aukerak badirela horretan oinarrituta baieztatu duela azpimarratu du. Nolanahi ere, ez dela inozoa erantsi du, eta badakiela bai alde batean zein bestean arazoak izango direla.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak