Frantziako Poliziak 48 gizonezko atxilotu ditu haurren pornografia ikustea eta deskargatzea egotzita. Sud Ouest hedabideak zabaldutako informazioaren arabera, atzemandakoetako bat euskal herritarra da.
Zehazki, Poliziaren arabera, operazioan atxilotutako euskal herritarra Bastidan (Nafarroa Beherea) atzeman dute, joan den asteartean, eta Baionako Polizia Etxean daukate, atxiloaldian. Protokolo bertsua baliatuko dute atxilotu guztientzako. Poliziak ikerketa abiatu du. Besteak beste, 48 gizonezkoen gailu digitalak ikuskatuko dituzte, eta azterketa psikiatrikoak eginen dizkiete atxilotuei.
