EB-IUko koordinatzailearen arabera, datorren astearen hasieran zehaztuko dituzte aurrera eman beharreko ekimen eta mobilizazioak. Eusko Alkartasuna ere halako bide bati ekiteko prest agertu zen, eta ekimen judizial eta parlamentarioak abian jarriko dituztela azpimarratu dute. Madrazoren esanetan, SA talde parlamentarioa desegiteko aitzakiapean "fondoko estrategia" bat dago: "Zuzenbide Estatuarekin eta euskal instituzioekin amaitu nahi dute Espainiako Konstituzioko 155. artikuluan oinarrituz, azken honek euskal autonomia suspendintzea baimentzen baitu".
Bizkaiko EAJren lehendakari Iñigo Urkulluk, berriz, Espainiako Auzitegi Gorenak SAko talde parlamentarioa desegiteko autoa eta Eusko Legebiltzarra osatzen duten zenbait kideri Fiskaltzak jarritako kereila astelehenean izango duten bileran aztertuko dituztela adierazi du gaur goizean. Horrez gain, EAJko Euskadi Buru Batzarrak Eusko Alkartasunak "euskal instituzioen defentsan" manifestazioa antolatzeko proposamena ere aztertuko duela azpimarratu du Urkulluk.
Batasunaren ilegalizazioa
Euskal instituzioak defendatzeko kalera ateratzeko prest agertu dira EA eta EB-IU
Javier Madrazo EB-IUko koordinatzaileak gaur goizean adierazi duenez, "euskal gizartea kalera atera beharko da PP bideratzen ari den erasoetatik euskal instituzioak eta autogobernua defendatzera". Gorka Knorrek ere, bide horri ekiteko aukera ez du baztertzen, eta atzo bere aurka Fiskaltzak jarritako kereilaren aurrean lasai dagoela aitortu du.
Iruzkinak
Ez dago iruzkinik
Ordenatu
