Zenbat gara? Zenbat kontsumitzen dugu? ikerketaren emaitzak azaldu dituzte Elkar fundazioko lehendakari Joxemari Sorsek eta Siadecoko ordezkari Juanjo Allurrek Martin Ugalde foroan.
Euskal kultura kontsumitzeko ohiturari buruzko azterketa aurkeztu berri du Elkar fundazioak, Siadeco ikerketa etxearen eskutik. Euskal Herri osoa hartu dute aztergai, eta 2.500 inkesta egin dituzte herritarren irakurtzeko, musika entzuteko, liburuak eta diskoak erosteko eta telebista ikusteko dituzten joeretan sakontzeko. Ikerketa horren emaitzak izan dituzte hizpide Sorsek eta Allurrek.
