Politika

Euskal sukaldarien auziko filtrazioak berari ere ondoeza sortzen diola dio Lopez Aguilarrek

Espainiako Justizia Ministro Juan Fernando Lopez Aguilarrek Espainiako Senatuan esan duenez, berari ere "ondoeza" sortu dio euskal sukaldarien auzian izan den filtrazioak. Espainiako justizian filtrazioak "maiz" gertatzen direla esan du, eta horrek "botere publikoen kezka" ekarri beharko lukeela. Bestalde, sakabanaketa politikaz ere aritu da, eta esan duenez, dispertsioa ez zaie euskal presoei bakarrik aplikatzen, nazioarteko droga trafikoagatik preso daudenei ere sakabanaketa politika hori ezartzen zaiela esan du, eta baita "talde integrista islamdarrei" ere.

2004ko urriaren 20a

11:22

Entzun 00:00:00 00:00:00

Espainiako senatuko talde mixtoko bozeramaile Isabel Lopez Aulestiak egin dion galderari erantzunez egin ditu adierazpen horiek Espainiako Justizia ministroak. Euskal sukaldarien kasuan ian den filtrazioa aztertzeko eskatu du Aulestiak.

Espainiako Justizia sisteman filtrazio ugari izaten dela dio Lopez Agilarrek, eta horrek "botere publikoen kezka" ekarri beharko lukeela.

Dispertsioa ez zaiela euskal presoei bakarria aplikatzen esan du

Lopez Aguilarrek esan duenez, dispertsioa ez zaie euskal presoei bakarrik aplikatzen. Bere esanetan, nazioarteko droga trafikoagatik preso daudenei ere sakabanaketa politika hori ezartzen zaie, eta baita "talde integrista islamdarrei" ere.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak