Euskaltube berritu egin dute lehen urteurrena dela-eta

Lehen urtea bete du Euskaltube bideoak partekatzeko euskarazko aurreneko webgunea, eta urteurren hori ospatzeko goitik beheraino berritu dute Euskaltube-ren itxura.

Baina diseinua gaurkotzeaz gain, aukera berriak sortu dituzte erabiltzaileentzat: bideoak aukeratu ondoren bata bestearen atzetik jarraian ikusi ahal izatekoa, fitxategiak deskargatzeko lotura, audioa sareratzeko txokoa...

Zehazki, iazko irailaren 3an sortu zuten Euskaltube, eta harrezkero ehunka bideoaren bilgune bihurtu da.