Ikastolako zuzendari Adela Txabarrik adierazi du jaialdiaren bidez arabarren artean euskara sustatu nahi dutela, eta horrekin batera ikastolan euskararen alde egiten diren zenbait jarduera ezagutarazi. Bestalde, Lapueblan euskara gogoan dutela nabarmendu du: “Errioxarekin mugan egon arren, euskara ez dugu ahaztua”.
Jaialdian bildutako dirua ikastola berritzeko erabiliko dute; “egoera larrian” daudela adierazi du zuzendariak: “27 urte ditu zentroak, eta egoera txarrean dago. Assa berritzen dugunean, eskualde osoari erantzutea da gure helburua”.
Txabarrik Araba Euskaraz-era biltzeko deia eta jardueretan parte hartzeko gonbita egin die guztiei: “Guztion laguntzarekin euskara hizkuntza indartsuagoa izan dadin”.
