Euskara transmititzeko kanpaina abian da Bizkaian

BILBO. Alkarbide bilguneak eta Bizkaiko Foru Aldundiak martxan jarri dute Eman Giltza kanpaina, familia barruan euskararen transmisioa indartzeko asmoz. Urte bat eta sei artean dituzten umeen gurasoei eskuorri bat, adur zapi bat, askari poltsa, liburuxka bat eta CD bat emango dizkiete, «umearen inguru hurbilean euskara sustatzeko». 36 udalerritan egingo dute kanpaina, 11.000 familiarekin.