Euskararen udal ordenantza onartu dute Iruñean, UPNren mehatxu artean

IRUÑEA. Legegintzaldiko azken osoko bilkura izan zuten atzo Iruñeko Udalean, eta ez zen geratu polemikatik salbu. Euskararen ordenantza onartu zuten EH Bilduk, Geroa Baik, Aranzadik eta Ezkerrak; aurka bozkatu zuten, ordea, PSNk eta UPNk. Hain justu, oposizioaren haserrea eragin zuen neurriak: ordenantza auzitara eramango duela berretsi du Enrique Maia UPNko bozeramaileak.