Mailegu sistemaren funtzionamendua honakoa izango da: familiek nahi dute liburudendan erosiko dituzte behar dituzten testu liburuak eta ikastetxeak ordainduko du kostua. Ikasturtea amaitzen denean, liburuak ikastetxean geratuko dira beste ikasle batek erabil ditzan.
Liburua itzultzen duten unean, familiek liburuaren balioaren %25a ordaindu beharko du. Baina, liburua egoera txarrean itzuliz gero eta beste ikasle batek erabiltzerik ez badu ikastetxeak gehiago ordainaraziko dio familiari.
Lehen saioaren ostean, liburuen mailegu sistema ikastetxe publikoetan ezartzen joango da pixkanaka. Ondoren 2010-2011 ikasturterako Bizkaia, Araba eta Gipuzkoako zentro pribatu kontzertatu guztietako Lehen Hezkuntzan ezarriko da.
Hezkuntza
Eusko Jaurlaritzak liburuen mailegu sistema abiatuko du datorren ikasturtean
Datorren ikasturtean testu liburuak finantzatzeko mailegu sistema jarriko du abian Eusko Jaurlaritzako Hezkuntza Sailak. Hasiera batean, Hezkuntza Sailak berrogeita hamar ikastetxe publikotan egingo du lehen saioa. Tontxu Campos sailburuak gaur azaldu du proposamena Eusko Legebiltzarrean. Azaldu duenez, mailegu sistema sei ikasturtetan garatuko da editorialek eta liburu dendek ahalik eta ondorio txikienak jasan ditzaten.
Iruzkinak
Ez dago iruzkinik
Ordenatu
