Gazteek afixak zeramatzaten eskuetan: "Epaiketarik ez" leloarekin. Espainiako Auzitegi Nazionalean epaitzen ari diren gazteek epaiketarako janzten dituzten kamiseten berdinek zeramatzaten tribunara gerturatu diren bi gazteek, eta baita gonbidatuen eserlekuetatik protestara batu diren beste bost gazteek ere.
PPko legebiltzarkide Carmelo Barriok kartela kendu dio bi horietako bati. Gero, Legebiltzarreko segurtasun zerbitzuek gelatik atera dituzte gazteak.
Itxialdiak eta geldialdiak egingo dituzte 'Haika-Segi auzia' salatzeko
Espainiako Auzitegi Nazionalean Haika-Segi auziaren barruan egunotan egiten ari den epaiketa salatzeko ekimenak deitu ditu Segi gazte erakundeak. Leioako EHUko campusean atzo sartu ziren itxialdian hainbat ikasle. Ibaetako campusean, berriz, auzipetuek kaleratutako manifestuari atxikimendua agertuko diote gaur unibertsitateko kideek, arratsaldean itxialdia egiteko. Biharko Errebolta Eguna antolatu du Segik, eta irakaskuntzan geldialdiak izango dira. Besteak beste, manifestazioa egingo dute Ibaetako campusean, 12:00etan. Baionan 19:00etan izango da manifestazioa, San Andrestik abiatuta; Iruñean, 20:00etan.
'Haika-Segi auzia'
Eusko Legebiltzarrean protesta egin duten bost gazte atxilotu ditu Ertzaintzak
Eusko Legebiltzarreko legegintzaldi honetako azken osoko bilkura hasi eta laster, bi gazte Legebiltzar barrura sartu dira, 'Haika-Segi auzian' Espainiako Auzitegi Nazionalean epaitzen ari diren gazteei elkartasuna azaltzeko. "Euskal gazteria aurrera!" oihukatu dute, eta ikusleen eserlekuetan zeuden beste gazte batzuk batu zaizkie. Memento horretan Jaurlaritzako lehendakariorde Idoia Zenarrutzabeitia hitzaldia egiten ari zen, eta isildu egin da. Legebiltzarreko segurtasun zerbitzuek gelatik atera dituzte bi gazteak. Protesta egin duten gazteetatik bost Legebiltzarreko gela batean eduki dituzte ordubetez, eta gero, Ertzaintzak atxilotu eta Komisaldegira eraman ditu.
Iruzkinak
Ez dago iruzkinik
Ordenatu
