politika

Ezker Abertzalea taldeak beraiekin biltzeko esan dio EAJri, lehendakaritzarako botoari buruz negoziatzeko

Ezker Abertzalea legebiltzar taldeko bozeramaile Julian Martinezek beraiekin biltzeko eskatu dio EAJri, Eusko Jaurlaritzako lehendakaritzarako botoari buruz negoziatzeko. "Inposizioaren politika zaharrak utzi, eta hitz egitera esertzeko" eskatu dio. Nekane Erauskinek esan du, oraindik ez dutela erabaki beraien botoak zein hautagairi emango dioten, eta negoziaketak egin aurretik ez dutela erabakiko ere azaldu du.

2005eko ekainaren 14a

16:09

Entzun 00:00:00 00:00:00

EAJrekin bilera hitzartzeko saioa egiten ari direla azaldu dute Ezker Abertzalea taldeko kideek. Nolanahi ere, EAJren BBBko lehendakari Iñigo Urkulluk gaur goizean esan du, Ezker Abertzalea taldearekin ez dutela sakoneko akordiorik egingo, "nor ordezkatzen duten ez dakigun bitartean".

Erauskinen iritzian, Urkulluren hitzek Eusko Legebiltzarra blokeatzeko jarrera azaltzen dute, eta EAJ "ez da konturatu" apirilaren 17ko hauteskundeetan ez zuela gehiengo osorik lortu, eta beraz, "negoziatzera behartuta daudela".

Halaber, Ezker Abertzaleak taldeak, berriz ere esan du, legegintzaldi honetako oinarriak "elkarrizketa, negoziazioa eta akordioa" direla beraien ustez.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak