Parean Christine Lauque eta Yves Ugalde eskuindarrak zituzten. Hauek %47,48a jaso dute. 3.171 boz. Sozialistak baino 406 boz gutxiago.
Abstentzioa %52,98koa izan da. 7.231 dira joan bozkatzera. Lehen itzulian, 7.173 ziren joan bozkatzera. 58 pertsona gehiago joan dira bigarren itzulian bozkatzera. Zuriak lehen itzulian 126 ziren. Eta balio gabeak 86. Bigarren itzulian 357 zuri zenbatu dira eta 196 balio gabeak.
Gogoratu daiteke lehen itzuliko emaitzek Baionako herriko etxeko azken bozen usaina zutela. Christine Lauque eta Yves Ugalde lehen ateratzen ziren (UMP, UDI), bozen %32,83rekin. 41 boz gutxiago izan zituzten Marie Christine Aragon eta Henri Etxeto sozialistek (%32,24).
Fronte Nazionala izan zen hirugarren kantonamendu horretan, bozen %13,99rekin. Ondotik, EH Bai (%9,83); Europa ekologia berdeak (%6,41) eta ezkerreko frontea (%4,71).
