Eduardo Torres-Dulce Espainiako Fiskal Nagusiak adierazi du Dignidad y Justicia' Bilduren aurka jarritako salaketa aztertuko duela. "Behar izango balitz", Alderdien Legearen arabera "neurriak hartzeko" prest dagoela erantsi du Torres-Dulcek gaur, Coruñan (Galizia).
Dignidad y Justicia elkarteak Espainiako Auzitegi Konstituzionalak Sortu legeztatzeko emandako epaiaren arabera Bildu legez kanpo uzteko nahikoa argudio liratekeen 90 arrazoiren zerrenda aurkeztu du salaketa horretan. Konstituzionalak berriki Sortu legeztatzeko erabilitako irizpideak oroitu ditu, baita hura atzera ere ilegalizatzea eragingo luketen argudioak ere.
