Espainiako Auzitegi Nazionaleko Fiskaltzak Herri Batasunaren (HB) 30. urteurreneko ekitaldia debekatzeko eskatu dio gaur Fernando Andreu Auzitegi Nazionaleko epaileari. Bihar ospatzekoa da ekitaldi hori Durangon (Bizkaia), Erakustazokan 17:30etik aurrera, baina Fiskaltzak “terrorismoa goresteko” delitua egon daitekeela ikusten du.
Fiskaltzak ekitaldiak eta harekin lotutako pertsonek Herri Batasuna, Euskal Herritarrok eta Batasuna alderdiekiko “lotura ezaguna” daukatela dio, eta, ondorioz, ekitaldia debekatzeko “beharra” deritzo.
Epaileak, iturri juridikoen arabera, bihar hartuko du erabakia.
1978ko apirilaren 27an sortu zuten Herri Batasuna, Altsasun (Nafarroa), eta 2003ko martxoaren 17an legez kanpo utzi zuen Espainiako Justiziak.
Politika
Fiskaltzak Herri Batasunaren 30. urteurreuneko ekitaldia debekatzeko eskatu du
HB bihar da ekitaldia ospatzekoa, Durangon, eta han “terrorimoa goraipatzeko” delitua egon daitekeela iritzi dio Fiskaltzak.
Iruzkinak
Ez dago iruzkinik
Ordenatu
