Frantziak 32 urtez izan du indarrean Arnaldo Otegi kanporatzeko agindua, ondorioz tarte horretan ezker abertzaleko buruzagiak ezin izan du, legez behintzat, haren lurretan sartu. Gaur, ordea, Frantziako fiskaltzak jakinarazi du indargabeturik geratu dela kanporatze agindua.
ETAko kide izateaz akusatuta 1983ko otsailean atxilotu zuten Otegi, beste zortzi lagunekin batera. Handik urtebete ingurura sartu zen indarrean haren aurkako kanporatze agindua. Dena den, 1987an bigarrenez atzeman zuen Frantziako Poliziak, eta Espainiaren esku utzi zuen Hendaian.
