Paueko Auzitegiak (Frantzia) Irati Tobar gazte independentista (Santurtzi, 1986) Espainiaratu egin du gaur, horko Auzitegi Nazionalaren euroagindu eskaera dela-eta. Martxoaren 30ean atxilotu zuen, Donibane Lohizunen.
Tobarrek berak eta Benat Lizeaga, Irati Tobar, Endika Perez, Jazint Ramirez, Aitziber Plazaola, Xalbador Ramirez, Aiala Zaldibar eta Bergoi Madernazek astebeteko itxialdia egin zuten otsailaren erdian Izpuran, euroagindua salatzeko. Espainiaratzeko arriskuaren aurrean babesa eskatu zieten eragileei eta herritarrei. Gazte denek babes handia jaso zuten, baina guztiak atzeman egin zituen Poliziak.
Gazteek iaz egin zuten ihes Ipar Euskal Herrira, Espainiako poliziek Segi gazte erakundearen aurka egindako operazio baten ondoren.
Pauek gaur Oier Gonzalez ustezko etakidea (Mundaka, 1979) ere Espainiaratu du.
