Istripua

Furgoneta batek harrapatuta lau urteko haur bat hil da Bilbon eta zazpi urteko bere neba larri dago

Bilbon gertatu da ezbeharra hiru ume eta haien aita zebra bide bat zeharkatzen ari zirenean. Goizeko 10:15 inguruan Basurtoko Montevideo etorbidean fugoneta batek harrapatu ditu. Kolpearen ondorioz, lau urteko neskatila hil egin da eta zazpi urteko neba erietxera eraman dute zauri larriekin.

2006ko urtarrilaren 3a

15:14

Entzun 00:00:00 00:00:00

Bilboko udalak eman du harrapaketaren berri. Hiru umeak amarekin batera zeuden, kale horretako zebra-bide bat igarotzen. Ama ere eraman dute Basurtoko erietxerra nerbio-krisi batek jota. Dirudienez, ama errepidearen beste aldean zegoen seme-alaben zain eta gertatutakoa ikusi du.

Ibilgailuko gidariak Poliziaren aurrean deklaratu du dagoeneko. Alkoholemia froga egin diote 27 urteko gidari gazteari eta negatibo eman ostean aske geratu da.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak