Galdutako gizon baten bila ari dira Pasaian

PASAIA. Herenegun paseatzera atera eta etxera itzuli ez zen 76 urteko gizon baten bila ari dira Pasaian (Gipuzkoa). Igande gauean eman zuen abisua familiak, gizona ez zela ageri. Orduan bertan hasi ziren haren bila ertzainak, udaltzainak eta hainbat herritar. Goizaldera arte aritu ziren, baina ez zuten arrastorik aurkitu. Atzo egun osoan jardun zuten gizonaren bila.