Atxiloketak Frantzian

Garazi Aldana eta Patxi Abad dira Fernandez Iradirekin batera atxilotutakoak; guztiak Bordelen daude

Garazi Aldana Barrena eta Patxi Abad Urkijo dira atzo arratsaldean Frantziako Mont-de-Marsan hirian Ibon Fernandez Iradirekin batera atxilotu zituzten ETAko ustezko bi kideak. Frantziako Polizia iturriek zabaldu dutenez, hirurek armak zituzten soinean atxilotzeko unean. Hiru atxilotuak Bordeleko komisaldegian daude inkomunikatuta poliziaren esku, galdekatuak izan daitezen. Fernandez Iradi iazko abenduaren 19an atxilotu zuten baita ere, baina bi egun Baionako komisaldegian egon eta gero ihes egitea lortu zuen.

2003ko abenduaren 5a

19:40

Entzun 00:00:00 00:00:00

Frantziako Polizia Judiziala goizaldera arte aritu da Fernandez Iradi eta ustezko ETAko beste bi kideak bizi ziren etxebizitza miatzen. Armak aurkitu dituztela adierazi dute Frantziko poliziek.

Angel Acebes Espainiako Barne Ministroak atzo adierazi zuen Fernandez Iradik iaz atxilotu aurretik zuen ardura bera zuela ETAren barruan, ETAren zuzendaritzan zegoela eta komandoen ardura zuela.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak