Garoñaren aurkako helegiteari eutsiko dio Gasteizko alkateak

GASTEIZ. Bere alderdiaren jarrera ofizialaren kontra bada ere, Garoñako zentral nuklearraren jarduna luzatzeari helegitea jartzeko asmoari eutsiko dio Javier Maroto Gasteizko alkateak. PPren arrazoiak ulertzen dituela esan du Marotok, baina ez datorrela bat arrazoi horiekin. Ez du zehaztu noiz aurkeztuko duten helegitea, baina laster izango dela adierazi du.