Guardia Zibilak bederatzi lagun atxilotu zituen asteartean Bizkaian, Galizian eta Espainian, eta beste bat ostegunean -Bizkaian-, denek ere ETArekin lotura dutelakoan, eta Baltasar Garzon Espainiako Auzitegi Nazionaleko epailea gaur hasi da haiek hartzen, Madrilen, 16:45etik. Atxilotuak auzitegian zeuzkaten 13:00erako. Inkomunikatuta daude.
Asteartean Bilbon Arkaitz Goikoetxea -berau hartu du gaur lehendabizi Garzonek-, Maialen Zuazo eta Anabel Prieto hartu zituzten atxilo; Elorrion (Bizkaia) Gaizka Jareño eta Adur Aristegi; Getxon Algorta auzoan (Bizkaia) Iñigo Gutierrez eta Mikel Saratxo; Nigranen (Pontevedra, Galizia) Algortako bizilagun Aitor Kotano; eta Fuengirolan (Andaluzia, Espainia) Elorrioko Libe Agirre.
Ostegunean Inge Urrutia atzeman zuen Guardia Zibilak Getxon, Algorta auzoan. Astearteko operazioarekin lotu zuten atxiloketa.
ETAren Bizkaia sarea-ren kontrako "kolpe latz" moduan aurkeztu zuen polizia operazioa Espainiako Gobernuak.
Guardia Zibilak dio operazioaren ondorioz ETAren hiru zulo aurkitu dituela: bi Espainian (Errioxa erkidegoan biak: Ozkabarten -125 kilo lehergairekin- eta Ezkarain) eta bestea Getxon (atzo, 35 kilo lehergairekin).
EITB taldeak esan duenez, ETAk egun hauetan Getxon Ertzaintzaren furgoneta baten kontrako atentatua egin nahi zuen, lehergailu bidez.
Atxiloketak
Garzon arratsaldean hasi da hartzen aste honetan Guardia Zibilak atxilotutako hamar lagunak
Arkaitz Goikoetxea, Maialen Zuazo, Anabel Prieto, Gaizka Jareño, Adur Aristegi, Iñigo Gutierrez, Mikel Saratxo, Aitor Kotano eta Libe Agirre asteartean zituzten, eta Inge Urrutia ostegunean, ETArekin zerikusia dutelakoan. Epaileak 16:45ean hartu du aurrena -Goikoetxea-, Espainiako Auzitegi Nazionalean.
Iruzkinak
Ez dago iruzkinik
Ordenatu
