Baltasar Garzon Espainiako Auzitegi Nazionaleko epaileak Espainiako Gerran (1936-1939) eta frankismoan (1939-1975) desagertutako kideei buruzko ikerketa abiatua du, eta "lehenbailehen" hemeretzi hobi irekitzeko agindu du, desagertu batzuen gorpuak horietan daudelakoan -haien artean, Federico Garcia Lorca poetarena-.
Granada, Kordoba, Toledo, Burgos, Leon, Huelva eta Madril herrialdeetan daude hobi horiek, denak ere Espainian.
Fiskaltza neurri horren kontra azaldu da, eta helegitea sartuko du. Haren ustez, Auzitegi Nazionalak ez du eskumenik halako kasuak ikertzeko. PP ere aurka dago. Jose Luis Rodriguez Espainiako Gobernuko presidenteak "errespetua" agertu du epailearen erabakiarekiko.
Gizartea
Garzonek 19 hobi irekitzeko agindu du, 36ko gerran eta frankismoan desagertutako kideak daudelakoan
Fiskaltzak erabakiaren aurkako helegitea sartuko du, Espainiako Auzitegi Nazionalak halako kasuak ikertzeko eskumenik ez duela argudiatuta.
Iruzkinak
Ez dago iruzkinik
Ordenatu
