Ostiral eguerditik gaur arte inkomunikatuta egon da Lizaso, Espainiako Poliziaren esku. 14:00ak aldera atera da Auzitegi Nazionaletik, eta han bertan senide eta lagunei agertu dienez atxilotze aldia "gogorra" izan dela; areago "torturak" jasan dituela zehaztu dio =l Uztarria ==http://www.uztarria.com/albistiek/1108387979=-ri: besteak beste, kolpatu egin dutela eta ileetatik tiraka ibili dutela.
Asteazkenean abiatutako operazioaren barruan, 19 euskal herritar atxilotu dituzte. Sei aske geratu dira; hamaika espetxeratzeko agindu du Garzonek; azken biek —Xabier Perez eta Ieltxu Lopez Aberasturi— inkomunikatuta jarraitzen dute.
Polizia operazioa
Garzonek Alkalde espetxeratzeko agindua eman du; Lizaso eta Orbegozo baldintzapean aske geratu dira
Espainiako Auzitegi Nazionaleko epaile Baltasar Garzonek Anjel Alkalde espetxeratzeko agindua eman du. Garzonek ETAko kide bati babes ematea leporatzen dio. Alkalde iragan larunbatean atxilotu zuen Espainiako Poliziak Madrilen, Auzitegi Nazionalaren atarian. Bestalde, ostiral eguerdian Espainiako Poliziak Azpeitian (Gipuzkoa) atxilotu zuen Unai Lizaso baldintzapean aske utzi du Garzonek. Epaileak ez du diru bermerik eskatu Lizaso aske lagatzearen truke, baina aldian-aldian bere burua aurkezteko baldintza ezarri dio. Jose Antonio Orbegozo Algortan (Bizkaia) atxilotu zuen Espainiako Poliziak larunbat iluntzean. Orbegozo ere baldintzapean aske uzteko agindu du Garzonek. Asteazkenean abiatutako polizia operazioaren barruan atxilotu zituzten Lizaso eta Orbegozo; horrenbestez, sarekada horretan atzemandakoetatik sei aske geratu dira. Lizaso eta Orbegozo Euskal Herrira bidean dira. Lizasok "torturak" jasan dituela agertu du.
Iruzkinak
Ez dago iruzkinik
Ordenatu
