Baltasar Garzon Espainiako Auzitegi Nazionaleko epaileak Espainiako Gerran (1936-1939) eta frankismoan (1939-1975) desagertu ziren pertsonen zerrenda eskatu du, gaur jakin denez. Eroritakoen Araneko -Madrilen dago-, Administrazioko Artxibo Nagusiko, Elizaren Konferentziako eta Memoria Historikoko Dokumentazio Guneko arduradunei eskatu die zerrenda, errolda osatu eta jakiteko gertaerak ikertzeko eskumenik baduen. Joan den ekainean Espainiako Gobernuko Ministerios Barne eta Defentsa ministerioei txostenak eskatu zizkien.
Epailearen aginduaren arabera, Polizia Judizialak Espainiako Estatuko 22.827 elizetara sartu ahal izango du, hildakoei buruzko liburuak jasotzera.
Hainbat lekutan lurperatu zituzten lagunen zerrenda ere nahi du Garzonek eta, besteak beste, Granada, Cordoba, Sevilla eta Madrilgo alkateei zerrenda eskatu die.
Desagertutako pertsonen senideen zortzi elkarteri datuak galdegin dizkie, halaber. Elkarteek 30.000 lagun desagertu zirela salatu izan dute; Euskal Herrikoak ziren haietako asko.
Politika
Garzonek gerran eta frankismoan desagertutako lagunen zerrenda eskatu du
Espainiako Estatuko 22.827 elizetara sartu ahal izango du Poliziak, hildakoei buruzko liburuak jasotzera.
Iruzkinak
Ez dago iruzkinik
Ordenatu
